Headlines

Nagaland laga Governor NEZCC meeting deh thakise

December 19, 2018
50 Views

Monday din Shilpgram, Guwahati jaga deh Governor of Nagaland aro Chairman North East Zone Cultural Centre (NEZCC) P.B Acharya toh NEZCC laga annual Executive aro Governing Body Meeting deh kotha kora thakise.

Meeting time deh Governor Acharya pora kowah toh, aji kali porah desh deh seven zonal cultural centres toh India’s cultural heritage deh othabole, manibole aro bachi rakhibo karni ase. Tusara side deh NE laga alag-alag team 12,000 toh NEZCC logode register hoikena ase.

Government pora kowah toh, NEZCC pora training aro financial motob dekena, 100 gurus, 100 assistants aro 400 sishyas (students) toh guru-sishya team bonai thaga jani paise. India laga sob zonal cultural centres laga aim toh desh laga heritage aro etu opor deh national aro emotional integration gara koribole ase. Tai pora par-par kowah toh, NEZCC artistes khan alag-alag NGOs, tusara states aro desh khan logode invite koribo lagibo, khali NE’s cultural heritage ekala dekhabole laga nahoi kena tai khan logode local families aro ‘home stay’ debo karni.

Governor pora be mondukh hoikena zonal cultural centres laga goal toh equality aro integrity gara koribole laga ase koikena janaise. Tai pora India laga habit deh unity toh diversity ase koikena janaise. Etu pora ‘Alag Bhasha Alag Vesh, Phir Bhi Apna Ek Desh’ toh sob cultural groups aro NEZCC deh basic ideology hobo lagi koikena janaise.

NEZCC Director Jitul Sonowal pora Prof SP Singh, Vice Chancellor of Royal Global University (RGU), Guwahati aro MBA students logode suru report debole janaideya thakise.

Prof Singh pora NEZCC logode RGU pora kenaga motob dae janaideya thakise. Prof Singh pora kowah toh, aji kali laga student toh society’s torchbearers ase aro ketya tai khan NE laga alag art forms deh live shows dekhi, tai khan hesha thakikena manu khan nahoile media pora porah duniya logode janaideh. Etu pora duniya khan Morth East deh phal pora aro jene-pai. 

Meeting deh Prof Laltluangliana Khinagte, Mizoram; M Lakshmikumar Singh, Commissioner, Art & Culture, Manipur; YW Ringo, Secretary, Cultural Affairs, Arunachal Pradesh; Madhurima Sen, Secretary, Cultural Affairs, Assam; Ahola Those, Secretary, Art & Culture, Nagaland, North East pora tusara members aro NEZCC laga internal auditors, Mumbai pora ahha thakise.