March 15, 2026, 6:34 PM: Itu Nagaland laga Hon’ble Governor – Nand Kishore Yadav para tai laga parivar logotey, itu historic Khonoma Village tey visit kurishey, 14th March, 2026 tey. Itu Governor ke itu Women Resource Development aru Horticulture nimitey Minister – Salhoutuonuo Kruse aru okayukta Nagaland, Nino Iralu para receive kurishey, tai khan laga village leader khan aru official khan logotey.
Itu visit laga homoi tey, itu Governor para itu bosti manu aru community leader khan logotey interact kurishey aru tai para itu Khonoma laga manu khan ke appreciate kurishey, tai khan laga rich cultural heritage aru traditional value khan preserve kuria nimitey. Tai para itu community ke commend kurishey, tai khan laga collective effort khan nimitey, itu environment protect kuria tey aru sustainable living practice khan promote kuria nimitey.
Itu visit toh hoiley itu Governor aru tai laga parivar nimitey opportunity bhi provide kurishey, itu unique cultural heritage, tradition khan aru scenic beauty experience karney, itu bosti laga, aru tai para itu community para important role play kuria laga bhi acknowledge kurisey, nature preserve kuria tey aru eco-friendly practice khan promote kuria tey.
Add Comment