Agencies, 14 October: Nagaland Governor aro Naga peace talks interlocutor RN Ravi para Kohima Friday (October 18) deh civil societies aro Church laga representatives logode consultative meeting lobo.
Nagaland laga 14 Naga Tribes aro United Naga Council (UNC) laga representatives toh Nagaland Baptist Church Council (NBCC) aro Nagaland Gaon Burhas’ Federation (NGBF) logode meeting deh thakibo.
Interlocutor toh Thursday din NSCN (IM) leaders logode meeting lowah thakise.
Sunday din Nagas laga apex tribal body, Naga Hoho koise, “Ke laga accord para Nagas legitimate rights- integration, separate Naga flag aro constitution deh honour nakora toh honourable nohoile acceptable nahoi”.
Media deh Naga Hoho president HK Zhimomi aro general secretary K Elu Ndang koise, India government para Indo-Naga political issue thek kuribo nemide tin moina deadline toh imposed settlement laga form deh deshe aro etu toh Nagas nemide namanibole laga ase”.
Add Comment