Nagaland Laga Police Para Interstate Gari Khan Loi Kena Poliai Jawa Laga Gang Ke Dhuriboley Parishey, 8 Jon Ke

October 06, 2024, 06:38 PM : Dimapur Police para successful para ekta interstate gang eke dhurishey, kun khan toh hoiley manu ke drug khilai kena gari khan loi jawa laga, itu laga case tey itya karney 8 jon ke dhurishey, Assam, Manipur aru West Bengal para. Itu operation kuria para toh hoiley duita gari khan bhi dhuriboley parishey koishey. Ekta press note tey, Dimapur Police laga Commissioner para koishey ki, itu initial investigation toh hoiley hudai gari harai thaka tey para ekta manu FIR lodge kuri kena thaka para asey, East Police Station tey. Itu case laga bisara baji kuria para ekta well-organize thaka network laga uncover kurishey, criminal khan laga, Nagaland, Assam, Manipur, aru West Bengal bhitor tey operate kuri thaki kena. Itu gang laga modus operandi tey pose kuria aru prosecute kuriboley laga client khan asey, inter-state commercial gari khan hire kuria laga, drive khan kotha khan kuri kena aru tai khan ke drug di kena, tai khan laga khawa loa tey para. Itu driver khan ekbar bihus hoi jaishey koiley, itu gang toh hoiley itu pichetey gari khan loi kena polai jai, koishey.