Agencies, 03 November: Nagaland government para sob district deh session’s court thakibo nemide janishe. Etu toh hoile disabilities manu ke kelaaf korikena crime kora ke kelaaf korikena joldi trial lobole nemide ase.
Etu khobor toh Sunday din State commissioner for persons with disabilities Diethono Nakhro para janaideya laga ase.
Alak notification deh, government para sob public prosecutors, additional public prosecutors aro assistant public prosecutors ke special prosecutor nemide junishe. Etu toh hoile special courts deh cases lobo nemide ase.
Etu khobor toh hoile Rights of Persons with Disabilities Act 2016 laga Sections 84-85 logode ase. Government koise, Act laga Chapter XVI (Sixteen) deh dekena thaga toh, disabilities manu logode kelaaf korikena crime kora aro kanoon laga provisions deh namana ke saja dae.
Kon crime korae etu khan para five lakhs tak fine debole olabo.
Insults kora nohoile disability ke kelaaf kora nohoile maike nohoile bacha ke sexual exploits kora ke fine logode jail saja debo. Jail sama toh six moina para five sal majode tak ase.
Disabilities manu khan para laab pabole kosish kora khan ke be tui sal jail saja nohoile Rs 1 lakh fine debole olabo parae.
Add Comment