Guwahati, October 16 2025 – Nagaland’s lone Lok Sabha MP, S. Supongmeren Jamir, Northeast Frontier Railway (NFR) logote Maligaon, Guwahati te ekta important meeting attend korishe, aru Nagaland railway project logote progress bisarishe.
Meeting te main focus thakishe Dimapur–Kohima railway line. NFR confirm korishe ki 82.5 km line 2028 December te complete koribo target ase, jitu age 2029 December plan thakishe. Project tin phase te choli ase, aru Tunnel No. 10 (5.5 km) construction complex geology face kori ase, kintu kaam bhal para progress kori ase.
Ekta milestone te NFR Molvom railway station te first-ever cement rake delivery korishe September 2025 te. Etu 41-wagon consignment Telangana para highlight kuri ase Nagaland laga freight aru infrastructure capacity bhal hobo buli dekhai she.
MP Jamir emphasize korishe ki project timely complete hobo dorkar ase aru Nagaland railway infrastructure expansion aru upgradation dorkar ase. Tai NFR logote BG Express Mariani (Assam) para Tuli (Nagaland) extend koribole request korishe, juntu connectivity improve aru economic growth boost koribole buli hope ase.
Etu meeting Nagaland railway network strong koribo ekta important step buli manai ase, aru ongoing projects finalize deadline aru transportation aru trade link improve upor te focus ase.
Add Comment