January 23, 2024: Nagaland Olympic Association (NOA) meeting thakishey Games Headquarters, Chumoukedima district para 22nd January 2024 tey, 11: 30 AM tey aru tai khan discuss kurishey detail plans khan itu upcoming Nagaland Olympic & Paralympic Games 2024 nimetey, kontoh thakiboley asey 12th – 17th February 2024 tey. Itu event khan toh thakibo Dimapur aru Chumokedima districts tey.
Itu meeting tey attend kurishey 70 representative Sports Association, Nagaland Olympic Association para attend kurishey aru tatey Chef de Mission, Deputy Chef de Mission itu games laga present kurishey.
Itu Games para feature kuribo 15 sports discipline, tatey thakibo Archery, Athletics, Badminton, Basketball, Boking, Cricket, Football, Lawn, Tennis, Pencak, Sailat, SepakTakraw, Table Tennis, Taekwondo, Vollyball, Wrestling, Belt Wrestling aru Wushu. Itu dangor sports nimetey 16 districts khan heavy prepration kuri asey aru tatey total 161 medal event thakibo. Itu 15 sports discipline toh four Sports Arena, nine Sports Complexes aru Chomukedima aru Dimapur district laga facilities khan para lobo. Itu main Games Village toh Regional Center for Sports Excellence, Chumukedima district tey hobo.
Itu Games tog two phase tey divide kuribo aru itu hesab para accommodation, food aru logistic khan toh provide kuribo itu scheduled kura hesab para. Sob sports association aru district teams khan request kurikena asey 10 flags each submit kuriboley. Sob districts khan ke koishey opening aru closing ceremony nimetey flag bearers laga details provide kuriboley. Nagaland Olympic Association para appreciate kurishey support aru solidarity alaga alag manu khan para diya karney aru tai khan appeal kurishey sob ke ayekena cooperation diboley aru itu event toh successfull banaboley.
Add Comment