June 01, 2026, 6:19 PM: Itu India 2027 laga Census nimitey tyaari laga part thaki kena, itu Nagaland laga State para toh hoiley successful para itu Field Trainer khan laga training complete kurishey, sob 17 district khan nimitey. Tatey pura puri 130 Field Trainer khan, itu State bhitor para, ekta teen din laga residential training programme loishey, kuntu toh hoiley charta batch khan nimitey conduct kuria laga thakishey.
Itu trained Field Trainer khan toh hoiley eneka hey training di jai thakiboley asey, Census Supervisor khan aru Enumerator khan ke, June, 2026 laga homoi tey, Nagaland bhitor tey, 157 sub-district khan, municipality khan aru town khan cover kuri kena.
Itu training progamme toh hoiley 20th May aru 29th May, 2026 majetey loishey, itu training tey 100 percent participation thaka laga witness kurishey aru itu training toh successful para organize kurishey, itu Dimapur, Mokokchung, Kohimaaru Phek laga Deputy Commissioner laga leadership under tey.
6,000 para bhi bishi government official khan toh hoiley itu Census 2027 laga conduct kuria tey engage thakiboley asey, Nagaland tey. Itu Census toh hoiley itu duita phase tey kuri jaboley asey.
Itu First Phase tey, itu House-Listing Operation khan thakiboley, tatey citizen khan ke ek opportunity diboley asey, tai khan laga ghor khan enumerate kuriboley, online nijey-para-enumerate kuriboley para facility logotey, 16th para 30th June, 2026 tak nimitey. Itu pichetey, itu self-enumerate kuria laga data aru ghor khan laga enumeration kuntu toh hoiley nijey para kuriboley napari kena thakibo utu enumerate kuribo, Census Enumerator khan aru Supervisor khan para.
Itu second phase toh February 2027 nimitey schedule kuri kena asey, kuntu tey itu Population enumeration involve thakiboley asey, kuntu homoi tey itu population data toh hoiley collect kuriboley asey,itu State bhitor tey.
Itu Census Operations, Nagaland laga Directorate para itu sob Citizen khan ke appeal kurishey, active para tai khan laga full cooperation extend kuriboley aru participate kuriboley, itu Census 2027 laga successful para conduct kuriboley.
