Nagaland Police Para 23 Manu Khan Ke Arrest Kurishey & Drug Khan Dhurishey, Rs. 30.05 Crore Laga Daam Laga Thaki Kena

September 28, 2024, 04: 10PM : Drugs laga against tey war thaki kena, Police para ₹30.05 crore laga daam laga drug khan dhurishey. Narcotic drugs & psychotropic substance khan seize kurishey, July aru Sept. 2024 laga majetey.23 manu khan ke dhurishey, drug – related offence khan laga connection tey. Narcotic police station tey charta NDPS case khan register kurishey, Khuzama & Medziphema police station tey charta case khan register kurishey.Nagaland Police para toh hoiley vital assistance aru input khan bhi provide kuriboley parishey, Karnataka Police ke, commercial quantity khan dhuriboley pari kena, drug consignment khan laga aru wanted thaka drug smuggler khan ke dhuriboley parishey kun toh hoiley utu drug khan bukhi kena kunba jaga jai thakishey. Itu drug khan toh hoiley Manipur para trafficked kuri kena thakey, Karnataka tey Aeroplan khan tey para, aru ekta nishina ekta module toh hoiley crack kuriboley parishey.