Dimapur, December 21: Member of Parliament, Rajya Sabha, KG Kenye pora India laga President ke Nagaland pora Arm Force Special Powers Act (AFSPA) hatai dibole koishey.
“ 1948 sal te Geneva Convention Universal Declaration on Human Rights ke AFSPA laga kotha korise. Aro ito te AFSPA toh “draconian law” ase koikena koise. Ito law toh pise piya ase aro kot jagate bi ito nadibole lagi koikena koishe. India pora bi ito ke sign kora ase. hoilebi ito Sign korikena 10 sal pijete India pora Nagaland ke AFSPA dishe aro itia tak jolaikena ahi ase.” koikena Kenye pora President of India, Ramnath Kovind ke meeting ekta New Delhi te thaka ke koishey. Article 371(A), oporte koa toh India pora ito Article 371(A) toh kitab te aro spirit debhi namane. Aro President laga intervention mangii se , Nagalad te nijor laga natural resource del aro natural gas Naga manu pora ola pole nimete. Kilemane Nagaland toh pise komzor aro dukhiya stae hoa karoni. MP pora koa toh 1972 sal te Zonal Council dissolved koridishe North East Council ponaise. Kilemane Bangladesh partition hoa nimete aro North east toh India karoni pise sensitive aro strategic jaga ekta ase. 1945 II World War, 1962 Chinese aggression aro 1971 East Pakistan war ke sai jaile toh North East toh pise dangor aro strategic jaga ekta ase. aro ito region ke 5 ta countries pora round korikena ase. ito nimete ekta ulag administrative Centre kholibole olaise kilekoile capital Delhi pora pise door hoise aro Nagaland karoni ekta thik platform ekta dibole nimete. Ito time te Nagaland toh External Affairs Ministry laga under te thakise 1960-72 sal majote.” Kenye pora koa toh ito nimete NEC downgrade kora potli olta upgrade koribole lagi. Kilemane ito toh India laga original policy ase aro administrative aro general development programme karoni pishe phal hobo.
Indo-Naga political problem oporte koa toh , kotha toh itia olop agite jai ase aro toita side pora bi involved hoi ase. ito time te India pora bi ektum initiative loigena phal aro peaceful solution anibole kobo lagi koikena tai koishey. MP pora President ke Nagaland te International Airport ekta anibole koishey aro ito ke president pora mon dangor kotha janaidishe.
Add Comment