October 19, 2023: Sustainable Development Goals deh advance kuri bo karne aro research aro innovation laka culture promote kuri bole, Planning & Transformation Department pitor deh Sustainable Development Goals Coordination Centre (SDGCC) para tuita zaruri tools kan launch kuri shae: Nagaland SDGCC website aro SDG Dashboard, October 17, 2023 Capital Convention hall, Kohima deh.
Etu event tho T.R Zealing, Deputy Chief Minister, Planning & Transformation and National Highway para grace kuri shae. Alak notable dignitaries kuto event deh ahi shae, etu kan ase: Dr. Yogesh Suri, Senior Adviser (SDGs) NITI Aayog, aro John Borgoyary, Regional Head – Northeast India, United Nations Development Programme (UNDP), alak alak departments laka Ministers, Advisers, MLAs, Administrative Heads of Departments (AHODs), Heads of Departments (HODs), SDG Nodal Officers, aro Deputy Commissioners nahoileh district laka representatives kan.
Inauguration hehe khali naku ri nah, National Action Awards 2022, SDG Innovation Participatory Action research Initiative 2.0 aro SDG Essay Compettion 2023 laka winners kan keh b facilitate kuri shae.
Aro National Multidimensional Poverty Index 2023 laka ekta tate Level Consultation b conduct kuri shae. Tate Nagaland laka Performance Analysis dikai shae aro multidimensional poverty reduction karne state laka journey b feature kuri shae NITI Aayog aro UNDP laka resource persons lokot deh.
Event launch time deh T>R Zealing para SDG tho global agenda laka upor represent kureh kui shae: Sob karne prosperity, equity aro sustainability laka vision share kureh kui shae. Tai para North East India deh Nagaland, SDG Coordination Centre establish kuri bole first tase kui nah highlight kuri shae aro India deh Nagalanf first state ase kui shae SDG Vision 2023 formulate kuri bole.
T.R Zealing para etu SDGCC Website arp SDG Dashboard tho Nagaland laka commitment dikai ase kui shae transparency, accountability aro progress deh. Etu tools kan para stakeholders kan keh platform ekta dibo kuto para taikan resources access kuri bole pari bo, real time data aro insights kan dibo.
Event laka second day.” State Level Capacity Building of the Nagland SDG Dashboard,” tho October 18, 2023 deh lui shae eki jaka deh. Tate, state level departments kan karne lives demonstration aro hand-on training kuri shae SDG Dashboard laka.
Add Comment