Nagaland State Human Rights Commission (NSGRC) para taikan lah 2nd day visit deh West Police Station, Women Police Station aro District Police Station examine kuri shae. Delegation tho Chairperson Songkhumpchung Serto, Justice of NSHRC, NSHRC laka member R. Nzanbemo Lotha aro Limanenla, NSC Secretary para lead kuri kina vist tho conduct kuri shae.
Sub-jail tho inspect kura time deh, bathroom facilities bhal kuri bole overhead tank lake kui nah concern uthai shae aro dedicated dinning hall b lake kui shae. Delegation para taikan keh priosoners nahoi nah manu nishi nah sab oleh humane treatment dibo lake kui shae
Team para b West Police Sattion deh additional vehicle lake kui shae emergencies kan phat address kuri bole. Nagaland drug issue laka kotha kura time deh chairperson para Nagaland golden triangle laka gateway taka karne drug related problems kan bishi ahi bole chance ase kui shae.
Women Police Department visit kura tho missing report kan bishi ase kui nah jani jaishae. Etu karne Nagaland laka transit points deh CCTV raki bole suggest kuri shae. Jail facilities, police station bhal kuribo leh aro human rights safeguard kuribo leh tho NSHRC laka commitment ase kui nah Chairperson Serto para visit tho conclude kuri dishae.
Add Comment