October 28, 2024, 06:02 PM : Ekta courageous aru nijey karney nabhabi-kena act kuri kena, ekta army office kun toh hoiley Rangapahar Military Station tey itya thaki kena asey, Dimapur district tey, tai para duita chukra bacha laga jaan bachai dishey, pani tey dubiboley thaka tey para, Dhansiri nodi tey, Sunday afternoon phaney.
Itu ghatna toh hoiley, kitya duita chukra bacha khan, ekta 5 saal laga ekta 6 saal laga, tai khan itu nodi kinar tey khili thakishey, tai khan naji kena itu deep aru buka pani ke giri jaishey itu nodi laga. Tai khan tatey para ulaboley kuri thaki kena bhi napara hoi jaishey, itu current para tai khan ke nichey nichey hey tani kena loi jai thakishey.
Utu homoi tey tai thik utu ghatna hoa jaga tey Major Vishavdeep Singh Attri kotba jai thaka homoi tey tai maiki khan aru chukra khan kandi thaka laga hunishey modod karney. Tai eku nabhabi kena itu brave officer para nodi tey jump kuri kena bachaboley jai jaishey.
Tai ekta trained swimmer thaka karney, tai itu noodi tey jaishey aru itu pani laga current, aru tatey laga jungle letra khan toh bishi danger thakilebi, tai utu bacha khan logotey punchishey. Tai para extraordinary bravery aru determination display kuri kena, itu duita bacha ke safe para eku nahoi kena nodi kinar tey bachai kena aniboley parishey.
Add Comment