June 5, 2026, 6:40 PM: World Environment Day 2026 observe kurishey, itu NSSA Park, Nagaland Civil Secretariat tey, itu Eco & Beautification club aru NSSA laga aegis under tey. Itu programme toh hoiley Home Commissioner, Nagaland, Abhijit Sinha, IAS para grace kuria laga thakishey.
Itu jama kuria manu khan ke address kuri kena, Sinha para itu environment bachai kena rakhiboley aru barit haka climate change laga impact hoa laga importance opor tey kotha kurishey. Tai para note kurishey ki, development toh hoiley natural resources opor tey depend kuria homoi tey, bishi para consume kuria para bari thaka pressure dhali di kena asey, nature toh nijey para bhal hoboley laga opor tey, itu para environment challenges khan hoi thaki kena, kuntu toh hoile itya duniya pura tey hoi thaka dikhi pai asey.
Emphasize kuri kena ki, collective effort, kiman chutu hoilebi, itu para bishi para budli aniboley parey. Sinha para manu khan ke urge kurishey, especially jawan generation khan ke, sustainable habit khan adopt kuriboley aru chutu meaning thaka changes khan kuriboley hudai din laga jeevan khan tey, eneka nishina waste komti kuria, conserve kuria resources aru pubic transport khan chulai kena, kotey lagey tatey.
