Kohima, 20 September: Saturday te Dimapur Naga Students’ Union (DNSU) para hosiyar janaise judi Nagaland government para tail (fuel) te COVID-19 cess toh September 23 para cancel kora nai koile petrol pumps bondh koridebole.
Nagaland government para April 28 te diesel nemide COVID-19 cess toh Rs 5 per litre aro petrol aro tusara motor spirits nemide Rs 6 per litre lakaideya thakise. Etu toh coronavirus ola karni para lockdown kora samai state laga finances te dekthari thaka nemide thakise.
Government para ketiya normalcy hoi cess toh withdraw koribole janaideya thakise.
DNSU koise, cess withdraw koribole nemide tuita representations toh government ke submit kora be korise.
Tai khan koise, “Judi aro namanike ami khan petrol pumps toh bondh koribo aro State pithor te petroleum supply laga entry points bondh koribo”.
Tai khan koise, urban aro rural areas te transportation aro tusara essential commodities laga expenditures toh cess nemide othise. Etu nemide public khan ektum affect hoise aro economically jevaan laga sob aspect (part) te dukh hoise.
Add Comment