Nagaland te 3 notun districts bonaise, etiya 15 hoise

Agencies, 18 December: Saturday te Nagaland government para tinta notun districts bonaise. Et para state te enaka administrative units toh 15 hoise. State Cabinet para Tseminyu, Niuland aro Chumukedima districts bonabole fesla korise. Etu khobor toh Deputy Chief Minister Yanthungo Patton para journalists ke janaideya laga ase.

Kohima district te Tseminyu Sub-division toh ekta district te upgrade korise, Niuland aro Chumukedima toh Dimapur district para olaise.

Komti hoilebe 11 tribes para notun districts bonabole demand thakise koilebe Cabinet para khali tinta te he manibole fesla korise kelay koile komba district te khali ekta tribe laga he thaka nemite aro etu toh alak koridebole napara nemite.

Dimapur district te Ghaspani-I Assembly constituency under te tuita districts bona laga karan opor te hot ate Patton para Chumukedima toh urban-rural district hisab te bonaise aro Niuland toh border area hisab te bonaise koise aro ekta district thakibole lakiya toh thakise koise.

Tuensang district under te Shamator te ekta district laga status opor te deputy chief minister para tribes-Yimkhiung, Tikhir aro Sema majote alak jaga/boundary thek nathaka tak Shamator te full-fledged district hisab te manibole naparibo koise.

Notun districts laga official inauguration te Patton para government toh date joldi fixed koribole ase koise.

Advisor for Animal Husbandry and Veterinary Services and Women Resources Development and local MLA, R Khing para Chief Minister Neiphiu Rio aro state Cabinet te appreciate korise kelay koile Tseminyu district bona nemite aro fesla toh Rengma community te “Greatest Christmas Gift” hisab te kowa nemite.

Press conference te Khing para chief minister ke gratitude janaishe kelay koile lamba samai para Rengma Nagas laga demand te mana nemite.

Tseminyu district bona toh government’s motto ‘Deeds not words’ te mana laga ase koise. Twitter te PHE Minister N Jacob Zhimoni para tai laga constitudency under te Niuland aro Chumukedima te state Cabinet para notun districts hisab te bona te share koribole kushi ase koise. Tseminyu toh 13^th, Niluland 14^th aro Chumukedima toh 15^th district hoise.