KOHIMA, OCTOBER 2 : Nagaland te Neiphiu Rio pora ahkete luijaa PDA Sorkar laga Minister’s Portfolio botli kuridese koi kena mesa khobor besi ulaise (spread fake news). Etu pora public manu kan majutte pura ulta-bolta kuridese aro dimak khara kuridese . Huilebi etu mesa khobor toh State Sorkar pora hune bai kena aro thik kuridese koise.
Chief Minister’s Office (CMO) pora khobor te mesa khobor WhatsApp te kotha lekhe kena bataise. Etubi Ministers kan laga Portfolios botli kuridese koi kena. Etubi kunoba najana manu aro nahua manu pora. Etu karne tai CMO pora etu toh mesa ase aro etu nesena mesa khobor toh kun pora ulaide ase koi kena janaide thakise koise.
Etu chamala nemite bi FIR thalide kena ase. Aro kotha hutha-huthe kurikena etu khobor kura manu besari ase koise. Aro chuti etu manu thuri baise koile thik pora husir laga saja debole ase koise. Etu oporte Public manu kan kebi etu nesena mesa kotha pora phasibole nakuribi aro husir thakibole kuribi koi kena janaise.
Add Comment