Kohima, 21 April: Medical doctors nemite retirement age te othabole demand kori kena protests samai te, Nagaland government para superannuation age toh certain conditions logote manishe.
Kohima te Cabinet meeting bechite government spokesperson Mmhonlumo Kikon para journalists ke cabinet para thek hosiyar para matter te studied korise aro 62 saal laga services te toh ekta condition te othabole fesla korise koise. Etu toh tai khan clinical sector te re-employed koribole paribole nemite.
Interested doctors ke administrative posts nathakilebe tai khan ke hospitals te re-employed doctors hisab te kaam koribole manibo koise.
Ek saal agae te matter te thek koribole ekta written offer deya te state government para issue te fesla debole napara bechite, Nagaland In-Service Association (NIDA) toh April 18 te three-day mass casual leave te jaa thakise.
Tai khan para agae te, judi state government para tai khan laga demand te tin din samai te jawab debole napara thakile kaam te indefinitely bondh koribole bhoi khelai deya thakise hoilebe agitation toh cabinet meeting nemite rokhai deya thakise.
Doctors kon medical colleges nemite apply koribole monn ase age limit toh 65 saal te othaise koise.
Tai khan ke pension toh napabo. Hoilebe tai khan ke re-employed koribo aro recruitment process toh tai khan laga experience nemite dekthari nahoi kena ektum phal para lobo koise. NIDA toh medical doctors laga retirement age 62 saal te othai debole demand kori thakise.
Add Comment