Kohima, 17 September: Nagaland government para gauri import te bondh thaka toh partially hataidebole fesla korise. Etu khobor toh Thursday te officials para janaideya laga ase.
Nagaland te gauri import kora bondh kora toh neighbouring Asaam para African Swine Fever ola nemide April 28 direk te bondh kora thakise koise.
Ekta notification te, Chief Secretary Temjen Toy para ban toh joldi para partially hataishe koise. Etu toh Punjab aro Haryana para healthy aro certified gauri import nemide ase. Hoilebe Assam, Arunachal Pradesh aro States te African Swine Fever thaka jaga para import koribole naparibo.
Chief Secretary para etu fesla lowa toh economic, demand aro food supply ensure koribole nemide shaijai kena lowa laga ase.
Government para be transporters nemide ekta Standard Operating Procedure (SOP) olaise.
Notification te janaideya, “Transport janwar toh Assam te kondu jaga te hoilebe aro ke laga karan nemide hoilebe nacharibo lakae. Gari toh ektum kaam laga nahoise koile neighbouring state te kondu jaga te hoilebe narokhibo lakae.
Janwar laga lathera nahoile mora janwar toh naphelabo lakae aro African Swine Fever para affect kora jaga para pera gari toh disinfected koribo lakae.
SOPs laga violation te animals laga confiscation logode fines te lead howa thakibo”.
Nagaland te gauri import bondh hataideya khobor
Add Comment