Nagaland te Health Care Problems

Nagaland toh sundur Hill State ase. Northeast India te. Hoilebi yete State toh Healthcare Sector te olop jamala khan pai. Yete State te bishi manu khan toh bhal para Medical Care khan napai. Bishi bhak toh Bosti aru dur dur te thakhea manu khan. Yete Hospital khan bi bia, Doctors khan bi komti, rasta bia aru Awareness khan nathakha nimete. Nagaland te Healtcare Problems toh lok pai ase. Sobse dangor problem toh Healthcare Facilities bhal nathakhea nimete. Bishi Government Hospital aru Primary Health Centres (PHCs) nishina khan toh dawai, Medical saman nahoi modern Machines khan komti ase. Etu para bimar manu khan dur dur jaga jabole ulai jai. Aru enika emergency homoi te bhal para nasa nimete bimar toh aru bia hoi. Nahoilebi muri jai. Aru alak jamala te Doctors aru Nurses khan komti ase. Nagaland te bhal para trained kurea laga Medical Staff, Specialist Doctors toh Surgeons khan, Gynaecologists aru Child Specialists khan komti ase. Bishi Doctors khan toh Dangor Cities nahoilebi State laga bahar khan te he kaam kuribole khushi pai. Kile koile tate Tankha aru Facilities khan bhal hoa nimete. Yete para Bostilaga Health Centres aru dur dur jaga khan te Doctors aru Nurses khan komti thakhea. Aru kunba toh Health Centre khan bi bon thakhea. Aru Nagaland te Geographical khan nimete bi Healthcare Problem toh lok pai. Yete State toh Hilly thakhea loi kina Bishi jaga nishina khan toh punchibole duk pai. Yete Rasta khan toh Landslides khan para pura bia kuri dea. Bishi bhak toh panni girea laga season te. Ambulance Services khan bi komti ase. Aru bishi bosti nsihina khan toh nijor laga gari, nahoilebi theng para birabole ulai jai. Yete bacha bukhea maiki, Bura aru Buri aru Bimar manu serious thakhea khan ke bishi duk dea, yete Transport facilities toh bia hoa nimete. Nagaland tebi alak alak Diseases aru Public Health khan lok pai. Yete Tuberculosis, Malaria, Dengue aru Respiratory Infections khan. Etu khan toh bishi jaga khan te bimar toh lagi kina ase. Yete Sanitation toh bia, Khan laga panni bi safe nai aru Sapha nathakha nimete Bimar toh philai ase. Bacha khan te Malnutrition bishi ase. Aru Maiki khan ke toh Anaemia thakhea. Yete para Health Problems bishi ase. Etu upor te Drug Abuse aru Mental Health bimar khan bi thik se uthea ase. Bishi bhak toh Jawan manu khan ke. Aru State te Mental Health Services khan bi komti ase. Nagaland te Healthcare Problems toh bia Infrastructure, doctors komti, rasta bia aru Management toh komzor hoa karne ase. Yete Etu jamala khan bhal kuribole nimete Government khan para yete Hospitals khan aru bhal kuribole lagea, rasta bhal kuri dibo lagea aru Doctors khan ke bosti  khan te jai kina kaam kuribole lagea. Health upor te Public Awareness aru Government Schemes khan uthibole lagea. Yete Healthcare khan bhal kuribole lagea. Yete State laga manu khan bhal aru Development thakhibolekarne.