Chumoukedima, October 30 – Nagaland 30th October 2025 te Red Run 3.0 host korishe Agri Expo, 4th Mile, Chümoukedima te. Etu event organize korishe Nagaland State AIDS Control Society (NSACS), in collaboration with National AIDS Control Organisation (NACO) aru Department of Health & Family Welfare (H&FW), Government of Nagaland. Early morning 5:30 te start hoishe, students, youth groups, health workers, police personnel, NGOs aru runners khan all over Nagaland milikena participate korishe, symbolizing unity HIV & AIDS upor te.
Khinchi, IAS, Commissioner & Secretary, H&FW aru Chairman, NSACS, welcome address te koishe ki youth-led initiatives laga importance aru collective effort laga need to spread awareness HIV aru sexually transmitted infections (STIs) upor te. Tai koishe, “Red Run toh khali running nohoi, kintu running with purpose ase” — ekta movement for energy, awareness, aru unity.
Abu Metha, Advisor to Chief Minister aru Chairman, IDAN, Chief Minister Dr. Neiphiu Rio laga greetings share korishe. Tai koishe Chief Minister unable thaka karone attend hobole pare nai, kintu NACO aru NSACS ke appreciation dikhai dishe eneka meaningful event organize kura karone Nagaland. Metha specially thanked Dr. Hekali Zhimomi, IAS, Additional Secretary & Director General, NACO, juntu “Nagaland laga niji daughter” buli tai describe korishe, tai laga leadership aru contribution ke praise kuri kina.
Metha koishe, “Athletes khan khali sportsman nohoi, kintu awareness laga ambassador bhi ase.” Tai sports laga power dikhai dishe — “Sport doesn’t know caste, language or background; only hard work aru perseverance para success pabo.” Metha mention korishe North East laga sporting icons jiman Mary Kom aru Baichung Bhutia, aru encourage korishe youth khan ke work hard kuri thaki bole.
Dr. Hekali Zhimomi, keynote address te koishe, young people laga role HIV awareness aru health promotion te bishi important ase. Tai youth khan ke encourage korishe “Speak out, spread awareness, aru reach out to peers.” India laga 40% population under 29 thaka karone, tai koishe, “Youth khan khali beneficiary nohoi, kintu leader bhi ase.”
Event toh vote of thanks Dr. Aku Sekhose. Project Director, NSACS para conclude kuri kina khotom hoishe.
Add Comment