Agencies, 18 September: Nagaland te oppositionless government, poila Nagaland United Government suru kora toh etiya United Democratic Alliance (UDA) government kobo. Etu toh Saturday te ekta meeting state banquet hall, Kohima jaga te sob legislator aro political parties laga meeting te fesla korise.
Nationalist Democratic Progressive Party (NDPP), BJP aro Naga People’s Front (NPF) laga legislators aro party leaders laga meeting te, tuita Independent MLAs be melikena thakise aro Nagaland te oppositionless government nemite United Democratic Alliance (UDA) laga nomenclature te adopt korise.
Etu toh joint statement – Nagaland chief minister Neiphiu Rio, deputy chief minister Y Patton, NPF Legislature Party leader TR Zeliang, NDPP president Chingwang Konyak, NPF secretary general Achumbenmo Kikon, BJP president Temjen Imna Along aro Independent MLA Tongpang Ozukum para deya te koise.
Nomenclature toh NDPP president Konyak para plan kora thakise aro etu te NDPP, NKP, NPF aro independent MLAs laga members para adopt korise.
Meeting te be tinta parties para August 11 aro August 13 te joint resolution sign kora te support koribole fesla korise.
August 16 direk chief minister’s official residence, Kohima te ekta meeting lowa te, NDPP, BJP, NPF aro Independent MLAs laga legislators para Naga political issues laga cause nemite nomenclature Nagaland United Government under te all-party government bonabole opor te manishe.
NDPP aro BJP toh pre-poll alliance laga part ase aro 2018 Assembly elections te majority powa bechite People’s Democratic Alliance (PDA) hisab te naam korikena government bona thakise aro NPF toh Opposition bench te thakise.
60-member Nagaland Assemly te NDPP te 20 MLAs, BJP te 12, NPF te 25 aro tuita Independent legislators ase. Ekta seat toh NDPP MLA Toshi Wungtung mora nemite vacant te ase.
Add Comment