Kohima, 09 April: Thursday te Nagaland government para self-declaration Nagaland Covid-19 App laga notun version olaishe. Etu App toh hhps:/nagahealth.nagaland.gov.in para download kuribole paribo. Government para health officials ke home quarantine aro registration process suru nakura agae te kon laga mobile phone te hoilebe App toh download hobo karni sure kuribole koise.
Sob manu kon home quarantine te ase etu khan para tai khan laga mobile phones te self-declaration app download kuribo, registration kothom kuribo aro smart phone laga GPS facility switch on kuribo.
Government release te koise, home quarantine period kothom nahowah tak tai laga mobile phone toh GPS enable korikena hotai ON mode te rakhibo lakae.
Aro kon ke smart phone nai etu khan self declaration nemide tusara laga phone para motob lobo pari kelay koile symptoms thaka samai te khobor toh janaidibole paribole nemide.
Release te koise, sob manu khan home quarantine tab jolai kena App te hotai health status debo lakae, control room/surveillance team para phone calls te jawab debo lakae, home visits samai te surveillance team logode shaat debo laake aro home quarantine vide DHFW/COVID-19/2019-20/689/97 dated March 21, 2020 laga guidelines te gara para manibo lakae.
Principal director, health and family welfare department, Dr Vizolie Z. Soukhrie koise, non-compliance laga ke act hoilebe be Epidemic Disease Act, 1897 laga provisions hisaab te sajabole gadli korise manibo.
Wednesday te Soukhrie koise, Covid-19 virus laga testing nemide samples lowah toh special medium (viral transport medium) kowah para loija aro etu te virus toh komti hoilebe 48 khonda te namoribole estimate ase.
Etiya tak test kora laga cases toh 20 khonda pithor te report howah khan ase. Etu para etu caes opor te galdi nabhabibo lakae.
Add Comment