Nagaland te Space Technology Inputs jola te Workshop loise

Kohima, 26 July: Tuesday, 26th July 2022 te Nagaland GIS & Remote Sensing Centre (NGISRSC), Kohima jaga te ek din workshop toh line departments alga nodal officers nemite loise. Etu toh Nagaland te space technology inputs jola te plan of action bona te loise. Inaugural session te, Principal Secretary and Development Commissioner, Government of Nagaland, Amardeep Singh Bhatia, IAS para Plan of Action toh North Eastern Space Applications Centre (NESAC) logote kotha kora bechae te finalized korise koise. Tai para GIS cell toh Nagaland nemite ekta database thakise aro etu toh agae loijabo laki koise. Tai para be expert organizations – NESAC aro ISRO nesana logote initiatives bonaise koise. Tai para be kushi janaishe State para technology jolai kena bacha tusara desh khan logote progress hoi thaka nemite. Bhatia para thek geospatial data para projects laga daiyari te motob koribole paribo aro projects laga progress shaa te motob koribo koise. Tai para be satellite technology para remote areas te projects thek para sabole motob koribole paribo koise nahoile State laga rough terrain nemite pojibole dekthari ase koise. Tai para be judi technology te alak alak departments para jolaile, besi data thakibo aro etu para optimal usage of resources te motob koribole paribo aro laub/benefit toh maximum manu khan te ponjibo koise. Technical session on “Indian Space Programme” toh Director, NESAC, Department of Space, Government of India, Dr. S. P. Aggarwal para lowa thakise aro Project Director, NGISRSC, Er. Mhathung Kithan para “Use of Space Based technology for Governance and Decision Making: A Decade of Service to the State of Nagaland” te shared kora thakise. Sessions on “Natural Resources Management”, “Agriculture and Allied Activities” aro “Infrastructure, Planning & Technology Diffusion, Societal Applications” toh Nagaland GIS & Remote Sensing Centre (NGISRSC) para lowa thakise. Workshop toh Nagaland GIS & Remote Sensing Centre, Planning & Coordination Department, Government of Nagaland para lowa thakise.