Agencies, 10 November: Legendary footballer, Dr.T. Ao ke yaat korikena aro respect kori kena Youth Resources & Sports, Information & Public Relations & Nagaland Football Association laga department toh Mohan Bagan Athletics Club aro RG KAR Medical College, Kolkata deh log korise Saturday din. Nagaland laga officials khan logode kotha kora time deh Mohan Bagan Club laga media officer Imran Khan pora club khan Dr. T. Ao nesana legendery footballer logode yaat kora toh respect de ase aro kushi pai ase koise. Tai laga leadership pethor deh club khan pora alag-alag tournament jetise aro desh debe naam gamaise koise. Tai pora be kowah toh, 50s aro 60s time deh famous khelari Dr. T. Ao nesana khan toh MB Club pora thakise. Tai pora be north eastern states khan mainland India logode phal pora mela-meli thakibole aro ekta hoi kena thakibole janise. Tai pora desh laga north east state aro tusara state khan majode mela-meli eman nai koise. Tai pora education aro sports pora mela-meli, ekta-ekta logode jani aro unity hoi koise. Etu pora tai khan laga jaga debe log koribole janaise. Tai pora be tai khan laga building deh Dr. T. Ao’s laga naam koribole plan janaise. Hoilebe etu nemide kotha koribo lagibo koise. Principal RG KAR Medical College, Professor Dr. S. Batabyal pora kowah toh, Mohan Bagan Club pora legendary footballer thaga toh ektum lucky ase. Etu time deh, tai Medical College pora Nagaland deh first physician ola karni ektum kushi pora kotha janaideya thakise. Tai pora kowah toh, Dr. T. Ao toh besi inspire thakise aro tai football de para ke respect kori ase aro kushi pai ase koise. Tai pora Dr, T. Ao laga family khan logode Kolkata deh ahhibole janaise. Tai aro kowah toh, jowah sal time pora hotai sal Dr. T. Ao laga naaam pora football tournament thakibole suru korise. Team deh Additional Director, YRS, Rato Pusa pora led kora thakise.
Add Comment