Nagaland Tey Bee Keeping & Honey Mission, Kisama Tey

December 09, 2024, 07:26 PM: Itu Nagaland Beekeeping & Honey Mission (NBHM) toh hiley ekta honey pavilion set up kurishey, ‘HONEY HUB’ koi kena, itu Hornbill Festival laga 25^th Edition laga homoi tey, itu Naga Heritage Village tey, Kisama, Kohima tey. Viswema Village Beekeeping Committee, Khonoma Basa Vandhan Vikas Kendra, Honey entrepreneur khan, Tseminyu district para, itu Chwida Rocky Mountain Honey aru Mima Honey laga banner under tey, tai khan laga honey ulawa toh showcase kuri kena ahi asey, aru bikaboley, alag alag product khan aru handicraft khan bhi milai kena. NBHM laga stall tey toh hoiley teenta alag alag kisim laga Honey asey, itu Apis Cerana honey, Rock bee or wild honey aru Stingless honey, aru itu logotey honey para banawa laga saman khan – lip balm aru massage balm khan nishina. Itu NBHM laga stall laga idea toh hoiley pura puri advertisement aru promotion karney asey. Itu pavilion tey Honey laga beverage khan aru confectionery khan alag alag snack khan logotey aru beverage khan logotey asey, kuntu toh hoiley itu visitor khan karney cater kuri di kena asey, itu Honey Hub laga.