October 25, 2024, 06:33 PM : Statewide Nagaland Emergency Preparedness Exercise (NEPEx) kuntu toh ekta mega mock exercise asey, earthquake opor tey, Nagaland Disaster Management Authority (NSDMA) para kuri loishey, itu National Disaster Management Authority (NDMA) logotey collaborate kuri kena, Thursday fujur tey.
Kohima tey, itu mock drill toh hoiley paachta location khan tey loishey – GMS School, Bayavü, Directorate of Industries and Commerce, Miachieo Lhithochii High School, Sanuorü bridge, aru NHAK tey para. Itu exercise toh hoiley assess kuriboley aru improve kuriboley aim kuria laga thakishey, tyaari thaka laga, eneka nishina earthquake-related emergency khan hoishey koiley.
Pichey phaney, itu media ke address kuri kena, itu Capital Convention Centre, Kohima, NSDMA laga advisor – Z Nyusietho Nyuthe para itu sob participant khan ke aru stakeholder khan ke thanks janaishey, itu mock drill conduct kuria toh successful para jaboley para nimitey.
Tai para koishey itu mock drill toh hoiley 09:45:05 am tey conduct kuria laga thakishey, itu state vis-à-vis earthquake laga tyaari analyse kuriboley karney, magnitude 6.9 laga, Richter scale tey, epicentre logotey, Changtongya town osor tey, Mokokchung district tey, aru itu asey ki, itu toh hoiley tyaari thaka laga test kuria laga tarika thakishey, eneka nishina eventuality laga case tey.
NDMA lead kuria consultant Maj Gen (retd) Sudhir Bahl para koishey ki, itu exercise toh hoiley ekta sob para uncha laga professional manner tey conduct kurishey, enthusiastic participation logotey, sob para, sob ke ekta strong desire para drive kuri kena, improve kuriboley.
Add Comment