December 15, 2025: Digital governance aru traffic management improve kuriboley agey bari jawa laga move tey, itu Motor Vehicles Department, Nagaland para itu E-Challan service launch kurishey, itu State tey, December 15th tey, itu District Transport Office, Dimapur tey. Itu E-Challand service toh hoiley formal para launch kurishey special guest, Commissioner & Secretary, Transport Department, Robert Longchari para, kun toh hoiley tatey jama kuria manu khan ke bhi address kurishey. Tai para tai laga appreciation express kurshey, itu Traffic Police, Home Department aru itu National Informatics Centre (NIC) ke, tai khan laga close coordination aru partnership nimitey, itu E-Challand (NIC) implement kuria tey, Nagaland State tey.
Longchari para koishey, itu E-Challan system introduction kuria toh hoiley ekta significant step asey, aru bhi safe raasta hoboley, kiley koiley itya traffic violation toh hoiley detect kuriboley paribo, record kuribo paribo aru electronic para track kuribo paribo.
Senior Technical Director aru State Informatics Officer, NIC, Lanusungkum Aier para tai laga key note address tey, itu duita-decade-lamba journey opor tey kotha kurishey, transport digitisation opor tey, kuntu toh hoiley itu Sarathi aru Vahan application khan para shuru hoa laga thakishey aru pichetey itu toh hoiley ekta integrated digital platform tey evolve hoi jaishey, transport service khan nimitey.
Add Comment