Nagaland tey first Air-Conditioned Electric Greem Vehicle unveil kurishey

September 27, 2024, 04:40 PM : Greenland Nagaland para ekta air-conditioned electric vehicle launch kurishey, itu World Tourism Day laga occasion tey, itu tourist laga facilitation program laga part thaki kena, 27^th September, 2024 tey, Circuit House Dimapur tey. MLA & Advisor, Food & Civil Supply nimitey, Legal Metrology & Consumer Protection K. Tokugha Sukhalu (IAS Retd.) para itu event tey grace kurishey, tatey special guest hisap buhi kena. Tai laga address tey, itu Advisor para sustainable tourism practice khan lagi thaka laga emphasize kurishey, itu state tey, highlight kuri kena, keneka eco-friendly transportation toh hoiley lagi asey, itya laga homoi tey. Tai para Greenland Nagaland ke commend kurishey, tai khan laga initiative nimitey, itu electric gari toh introduce kuria karney, kuntu toh hoiley lagi thakishey, tourist khan ke attract kuriboley, aru green tourism encourage kuriboley, itu state tey. Sukhalu para environmental conscious thaka laga importance emphasize kurishey, Nagaland tey, citizen khan aru organization khan ke urge kuri kena, ekta active role play kuriboley, itu state laga national beauty toh preserve kuria tey. Tai para Greenland Nagaland ke naam uthai dishey, tai khan laga effort khan nimitey, Nagaland laga environment pristine rakhi diya nimitey aru itu initiative khan laga expansion kuriboley nimitey koishey, alag district khan tey bhi, condemn hoi jawa gari khan laga influx kuriboley, bahar para aru private gari khan bishi hoi jai thaka nimitey, kuntu para toh congestion aru pollution bishi kuri di asey. Sukhalu para suggest kurishey ki, Greenland Nagaland toh partnership khan explore kurey, alag district khan aru private party khan logotey, itu process toh juldi hoboley tai khan laga environmental initiative khan aru barai jaboley state wide tey. Greenland Nagaland laga Secretary – Dr. Swaraj Mukherjee para keynote address deliver kurishey, kotey tai para itu organization laga vision discuss kurishey, modern technology integrate kuria nimitey, Nagaland laga tourism sector tey. Tai para optimism express kurishey, itu electric gari toh hoiley ekta benchmark set kuriboley asey koi kena, sustainable tourism practice khan nimitey, itu region tey. Dr. Mukherjee para announce kurishey ki, itu toh hoiley Nagaland laga first electric bus asey, ekta 14 seater laga kuntu toh hoiley specific para tourist khan nimitey hey design kurishey. Tai para koishey itu bus toh hoiley ekta public  address (PA) system logotey equip asey aru ekta tourist guide nimitey feature kurey, choita darwaza khan thaki kena,- duita side tey bhi teenta teenta thaki kena, kuntu toh hoiley ekta aru bhi bhal wala view offer kuriboley design kuria laga asey, aas paas laga, sightseeing kuriboley nimitey ideal banai di kena. Greenland Nagaland laga President – Dr. Longri Jamir para itu organization laga commitment thaka laga emphasize kurishey, Nagaland toh ekta lead kuri thaka green tourism destination koi kena promote kuriboley, itu presidential laga address tey koishey, itu state laga first electric tourist bus launch kuria laga time tey. Tai para state aru private investor khan ke bhi invite kurishey, itu movement ke join kuriboley, itu economic potential ke underscore kuri kena, green tourism laga, Nagaland tey. Jamir para koishey, ki, itu initiative toh hoiley substantial employment opportunity khan banaboley asey itu youth khan nimitey, agency khan khuliboley laga plan khan logotey, sob district khan tey.