Nagaland tey, Indigenous Inhabitant Certificate nimitey notun guideline khan issue kurishey

September 22, 2024, 05:30 PM : Indigenous inhabitant khan laga right khan ke safeguard kuriboley laga bid tey, Nagaland laga, government para toh hoiley notun guideline khan issue kurishey, itu Indigenous Inhabitant Certificate (IIC) laga issuance nimitey. Itu update kuri kena thaka criteria khan toh hoiley ekta official notification tey outline kuri di kena asey, kuntu toh hoiley itu process ke streamline kuriboley aim kuria laga asey aru ensure kuriboley, khali eligible citizen khan karney, recognized tribe khan itu certificate toh pabo. September 20^th laga notification laga hisap tey, Home Commissioner – Vyasan R para issue kuria laga, itu IIC toh hoiley 15 recognised Naga tribe khan ke issue kuriboley asey –  Angami, Ao, Chakhesang, Chang, Konyak, Khiamniungan, Lotha, Pochury, Phom, Rengma, Sumi, Sangtam, Tikhir, Yimkhiung, Zeliang, tatey Kachari, Kuki, Garo and Mikir (Karbi) tribe khan bhi thaki kena, itu Constitution (Nagaland) Scheduled Tribes Order, 1970 vide tey notify kuri kena thaka hisap tey, kun khan toh hoiley itu State tey poila para thaki kena asey aru tai khan toh Nagaland laga Indigenous Inhabitant hisap tey consider kurey, aru koishey ki, itu manu khan toh hoiley tai khan laga antecedent khan to hoiley trace kuriboley paribo, ekta recognized bosti ke, Nagaland tey.