December 11, 2023 : Nagaland tey 7 rape cases khan register kurishey, tatey ekta custody tey para rape kuria laga case bhi thakishey, police personnel para, 2022 tey, itu latest data released kuria laga hisap tey, itu National Crime Records Bureau (NCRB) para.
Itu saatta bhitor tey ekta toh hoiley ekta minor age thakishey 12 aru 16 saal majey laga. Paachta victims khan toh hoiley 18 saal aru 30 saal majetey thakishey aru ekta toh hoiley 30 saal aru 45 saal majey laga thakishey.
Itu NCRB data laga hisap tey, tatey toh hoiley charta cases khan thakishey, kotey itu offender khan toh hoiley victim laga china jana thaka laga thakishey; ekta instance tey toh offender toh nijey family members he thakishey; ekta case tey toh, itu offender toh hoiley ekta friend/ online friend thakishey nahoiley eke logotey thaka partners khan, shadi hoi ken achara chari hoi kena thaka laga; aru duita cases tey, itu offender toh hoiley family thakishey nahoiley friend/ neighbour/ employer nahoileykunba alag thakishey koi asey.
Teenta cases khan tey toh offenders khan ke janiboley parani nahoiley itya bhi identify kuriboley paranai, koishey.
Add Comment