August 07, 2024: Nagaland State Disaster Management Authority (NSDMA) para toh hoiley inform kurishey ki, Nagaland toh hoiley heavy pani gira laga experience kuriboley asey, sob district khan tey, August 10th, 2024 tak tey. NSDMA para inform kurishey ki, itu pani gira toh hoiley Bijli aru lightning bhi thakibo parey, bosti bhitor jaga khan tey.
Itu laga homoi tey, NSDMA para sob manu khan ke, husiyaar janaishey, bishi biya para pani khan giriboley asey koi kena, itu Kohima, Kiphire, aru Tuensang district tey. Tai khan pra orange alert dishey, itu teenta district tey, August 7th, 2024 nimitey.
NSDMA para sob manu khan ke advise kurishey, lagi thaka precautionary measure khan loboley karney aru caution khan exercise kuriboley koishey, lightning strike khan aru hawab bishi mara khan tey para bachiboley, kuntu para toh hoiley communication aru connectivity ke bhi biya kuridiboley pari asey.
Itu laga regard tey, NSDMA para toh hoiley itu public khan ke husyaar thakiboley koishey, itu homoi tey ki ki laga event khan tey bishi jaboley manna kuri asey. NSDMA para itu sob district disaster management authority khan ke aru alag line department khan ke bhi request kurishey, alert tey thakiboley, manu khan laga live khan aru property khan bachaboley karney, itu monsoon laga homoi tey.
Add Comment