August 29, 2024: Bangladesh deh hua recent political crisis hua karne, Nagaland government para state police aro district administration keh high alert deh taki bole direct kuri nah ase, illegal immigrants laka potential influx tho prevent kuri bole karne. Etu tho Deputy Chief Minister para announce kuri shae, Legislative Assembly deh discussion kura time deh.
Nagaland tho Bangladesh deh border share nakuri leh b, Deputy Chief Minister para vigilance taka tho zaruri ase kui shae, especially Assam laka state borders lokot deh. “Mukan laka state tho Bangladesh lokot deh border share nakureh. Etu karne potential immigrant laka possible rasta tho bishi wak mukan laka neighbouring state, Assam lokot deh taki bo,” tai para kui shae.
Migrants laka influx para demographic imbalances nata kibo karne, tai para state government keh alak alak precautionary measures kan implement kuri b kui shae. Deputy Commissioners aro Superintendent of Police keh instruct kuri nah ase, District Level Security Co-ordination Committee meetings kan lubo kui nah.
Etu meetings kan kuto Assam Rifles aro Central Armed Police Forces nishi nah security agencies lokot deh ase, etu kan tho puila para heh lui ase. District specific measures kan b implement kuri ase itia, illegal aro migrant activity keh monitor aro report kuri bo karne.
Particulate attention tho Nagaland laka atha districts keh di nah ase, kuto Assam lokot deh border share kureh. Patton para etu districts laka Deputy Commissioner kan keh instruct kuri ase, Assam deh taka taila laka counterparts lokot deh open communication channels rakhi bole.
Alak measures kan tho etu kan ase: intensified Inner Line Permit (ILP) checks aro sob 13 inter-state check gates deh vigilance uthai di shae. 13 inter-state checks gates deh deploy kura Police officers kan keh vigilant taki bole order kuri nah ase.
Tai para police aro intelligence agencies kan sensitive jaka kan keh identify kuri nah ase kui shae, kuteh illegal immigrants kan jama kuri bole pareh.
“Illegal Bangladeshi migrants laka influx deh itia tak report ekta b nai kui nah mui report kuri bole kushi deh ase. Etu tho especially, Bangladesh deh crisis hua piche deh ase,” Deputy Chief minister para House keh janai shae.
Add Comment