Nagaland Toh Hoiley 2-0 Para Jeetishey, AF School New Delhi Laga Against Tey, Subroto Cup Girls Uunder-17 Tey

August 07, 2024 : Itu Nagaland U-17 Girls team toh hoiley 2-0 para jeetishey, Airforce (AF) School New Delhi laga against tey, itu Subroto Cup 2024 Junior Girls U-17 laga 63^rd edition tey, 7^th August, 2024 tey, kuntu toh hoiley BR Ambedkar Stadium, New Delhi khila laga thakishey.

Xangyoa Konyak para first goal score kurishey, kuntu toh hoiley pichetey, ekta own goal kuriboley parishey, itu Nagaland team 2-0 lead di kena, AF School New Delhi laga against tey. Itu first match kuntu toh hoiley itu Nagaland team para 5^th August tey khila laga thakishey, NCC Mizoram laga against tey, kuntu toh hoiley (0-0) goal thaki kena draw hoi kena khotom hoishey.

Itu Nagaland U-17 Junior Girls laga contingent khan itu tournament tey khila khan toh 16 player khan thaki kena asey, 2 coach khan, Team Manager aru alag official khan milai kena. Nagaland toh hoiley NCC Mizoram, Sainik School Sambalpur aru Airforce School New Delhi logotey pair hoi kena asey, Pool- G tey, Itu team toh hoiley Sainik School Sambalpur tey khiliboley asey, kali 8^th August, 2024 tey.