April 22, 2024 : Nagaland laga voter khan toh hoiley rukhi asey, itu April 19th laga Lok Sabha election laga result nimitey, kuntu toh hoiley Nagaland tey loishey, duita contenders khan majetey – ruling PDA consensus candidate Dr. Chumben Murry aru Congress candidate aru NPCC laga chief S. Supongmeren Jamir majatey, kun toh hoiley itu state ke represent kuriboley asey, itu next 18th Lok Sabha tey.
Teenta candidate khan contest kuri kena thakishey, itu 2024 Lok Sabha poll laga, Nagaland tey – Dr. Chumben Murry (NDPP/ PDA); S. Supongmeren Jamir (INC) aru Bill Hiyathung Lotha (Ind).
Nagaland toh hoiley aru bhi 15 alag state khan aru teenta union territory khan logotey, poll kuria laga thakishey, Phase- 1 under tey, April 19th 2024 tey. Itu Lok Sabha election 2024 tohh oiley saatta phase khan under tey loa laga asey aru kuntu toh hoiley 44 din tak laga asey, June 1 tey khotom hoi kena. Lok Sabha poll nimitey ginti kuria toh loboley asey, Nagaland tey, June 4th tey, itu alag parliamentary constituency khan logotey, India pura tey.
Itu PDA consensus candidate toh hoiley, sob 60 legislator khan para backing diya laga asey, Nagaland tey, itu karney tai khan laga party toh aram pra ulai jaboley akaha kuri asey itu Congress laga candidate laga against tey, kiley koiley latter toh hoiley redundant thaki kena asey poila 2015 tey para aru jeetiboley napari kena thakishey ekta seat bhi itu 2018 assembly election tey bhi, congress khan.
Add Comment