Wokha, November 27: Wednesday din Deputy Commissioner Wokha, Orenthung Lotha (NCS) koise, bosti laga chairman toh bosti laga first citizen ase aro bosti chairman be etu nesana zamidari lobole koise.
First All Nagaland village council chairmen conference deh special guest nemide kotha korikena sob bosti chairmen ke hosiyar thakibole aro aji kali laga advancement aro development deh update thakibole koise.
Tai para poila laga aro aji kali laga kaam toh ektum alak ase koise. Etu para sob chairmen aro village council members khan development deh dedicate aro focus thakibole koise kelay koile system toh putli howah nemide.
Notun zamana logode update kuribole nemide tai para village development fund toh social progress deh jolabole koise. Tai para village chairman khan power aro authority toh true wisdom logode jolabole koise.
Project director DRDA Wokha, Thungdeno Mozhui, chief host para challenge lobole nemide ekta hobole koise. Rai para sob village chairman khan nejor laga assigned duties olabole koise. Tai para be village members othibo nemide besi seminars toh loi thakibole koise.
Lotha Hoho chairman Mhondamo Ovung koise, para be bosti deh education system gara kuribole aro nejor laga duties thek para korikena thek judgment debole koise. Etu agae deh special guest para monolith ola thakise.
Add Comment