Nagamapal bomb blast case NIA logote

IMPHAL, November 1, 2018:State sorkar khan manishe  olop din akhe te huwa Nagamapal bomb blast case toh National Investigation Agency (NIA) ke dibole karne chan bin kuribole nimete.Etu chamela te ekta CRPF personnel murishe aro ekjun toh biya pora jhokom paikena thakishe .Etu khobor toh chief minister, N. Biren Singh pora Rastriya Sankalp Diwas (National Re-Dedication Day) Manipur Secretariat (South Block) luwa time te koishe .Etu programme toh Manipur sorkar khan pora loishe.Etu luwa toh first woman Prime Minister of India, Indira Gandhi, kun pora crucial role kurishe India ke ekta desh bonabole karne Independence day pichede. National Identity Protection Council (NIPCO) leaders khan bi ase etu Nagampal bomb hamlaa koikena Biren koishe etu bishi asorit ase state aro civil societieskhan nimete kun khan kaam kuri ase society khan laga bhal nimete enika khan mesa misi kaam kura toh.Etu achanak pora huwa hadsaa te mondukh janaikena koishe ami khan security  measures khan uthabole lagibo enika hadsaa nohobole nimete aro tai pora etu jaka laga manu khan ke bishi hosiyar thakibi koikena janaishe.Tai aro koishe ekbar etu case NIA logote jaishe koile toh etu state laga sob civil societies khan ke sabole ase.Aro etu manu khan ke okobi chamela nakuribi koikena janaishe Singh aro koishe  anti-social activities pora okobi advantage aninadibo  society khan ke aro etu pora chamela khan  hi anidibole .Etu pora society khan uthibole thaka bi rukhi jabo.