Latest time te Nagaland te bishi incident report hoiase juntu te Naga manu khan non-Nagas manu para assault, harassment aru intimidation face kuri ase. Etu upor te Naga People’s Front (NPF) strongly condemn kuri ase, aru law enforcement agency khan ke urge kuri ase etu problem upor te bishi strict aru fast action lobole perpetrators uporte, public laga confidence, peace aru harmony khan restore kuribole.
Etu incident khan Nagaland society te thaka trust aru mutual respect ke weak kuri dishe. NPF khan para emphasized kuri she ki Naga manu khan sob manu ke welcome kore taikhan laga jagah te thakibole aru peaceful para kaam kuribole, kintu kun ba local citizen ke intimidate aru physically assault kuribole attempt kurile, taikhan upor te full force of law apply kuri bo lage. Party khan urge kuri ase authorities ke safety aru security Naga manu uporte ensure kuri bole.
Nagaland Indigenous Peoples Forum bhi condemn kuri ase etu recent heinous incident juntu te minor Naga girl ke Dimapur New Market area te sexual assault kuri dishe. Taikhan etu ke “heinous aru unpardonable” koikina declare kurishe. Etu nishena, Minority Department of Nagaland Pradesh Congress Committee bhi denounce kuri she brutal assault uporte ekta 22-year-old construction worker Kohima te. Taikhan demand kurishe immediate aru thorough investigation karone. Etu khan karone public te bishi outrage hoiase, aru sob manu swift action demand kuri ase perpetrators uporte.
Recent time te thaka etu assault incidents khan ekta disturbing trend hoi ase. Authorities ke immediate attention lobo lage aru firm stand lobo lage etu incident khan uporte. Perpetrators ke justice anibo lage, nohoile Nagaland laga manu khan shanti(peace) aru harmony te thakibo na paribo. Government aru law enforcement agency khan laga duty ase protect kuribole Naga manu laga rights aru dignity khan.
Government aru law enforcement agency khan ekjon ekjon logote milikina root cause identify kuribo lage. Security measure khan improve kuribo lage, awareness raise kuribo lage, respect for local culture aru tradition, aru sure kuribo lage perpetrators ke punishment face kuribole. Specially women laga safety aru dignity maintain kuribole bishi important ase, karon latest incident khan women aru girl child uporte attack kurishe aru tai khan nijor laga jagah te bhi safe nohoi.
Non-local manu khan ke bhi remind kuribo lage local culture aru tradition khan toh respect kuribole. Indigenous identity aru nam khan misuse nakuribo lage. Law enforcement agency khan firm aru swift action lobo lage harassment aru assault case te, public confidence khan restore kuribole.
Authorities ke etiya ekdom clear aru strong message dibo lage ki Nagaland te assault aru harassment tolerate nahobo. Nagaland manu khan deserve kuri ase peace aru harmony, aru taikhan laga rights aru dignity protect kuribole government aru law enforcement agency laga responsibility ase.
Add Comment