Zunheboto, 20 April: Zunheboto Block under te Lizu Naghuto village council para agae par maike nemite he Gram Sabha toh Zunheboto district te 19th April 2022 te Lizu Naghuto village council hall jaga te loise.
Program toh Gender Friendly Village laga part hisab te suru kora thakise.
Women Welfare Officer, Ikali Wokhami para Zunheboto district te special refence maike laga financial aro political empowerment opor te kotha kora thakise. District Coordinator, Kiyepu para maike laga welfare aro empowerment nemite alak alak schemes aro programs opor te kowa thakise. OC Women Police Station Zunheboto, Kengbame para topics cover kora te women’s safety, sexual harassment, aro gender stereotyping meli kena thakise. Central Administrator, Sakhi-OSC Zunheboto, Alovini Yeptho para Sakhi One-Stop Center para services deya opor te kotha kowa thakise.
Gram Sabha para General discussion toh bosti te maike khan para issues aro challenges lok powa opor te thakise. Aro kotha kora para Women Grievance cell bona hoise. Etu toh maike laga issues te sabole aro tai khan ke legal advice pabole motob koribole nemite ase.
Toniho Zhimo, Hd GB para welcome address deya thakise, Abokali Yepthomi, Associate Pastor Youth para Gram Sabha te chaired thakise aro program toh Yenito Zhimo, Village Council Chairman para vote of thanks logote kothom korise.
Add Comment