Nagpur, 19 March 2025: Nagpur Police khan Wednesday din te Fahim Shamin Khan laka first picture release kuri shey, alleged mastermind communal clashes laka pichi deh thaka kun toh city te olaishey March 17 te, tadeh bishi manu jokom hoishey.
Fahim Kahn 2024 Lok Sabha election te hisa loishey Nagpur constituency pra, Minorities Democratic party ke represent kuri shey. Notably, tai senior BJP leader aro union minister Nitin Gadkari laka against te polai shey, hoileh b dangor margin 6.5lakhs votes opor pra hari shey. 38 saal Fahim Khan toh city laka president ase MDP laka aro Sanjay Bagh Colony laka manu ase Nagpur’s Yashodhara Nagar laka. Tai laka nam toh officially hali dishey FIR filed kura toh communal clashes laka connection te. Preliminary investigation aro video police khan pra release kura suggest kuri shey ki Fahim Khan allegedly ekta inflammatory speech dishey clashes toh shuru nahwa agae te. Police officials khan koishey tai laka address toh communal tensions incite kuri shey jaka te, violence trigger kuri dishey. Violence olaishey Nagpur laka Chitnis Park jaka te Monday din te, clashes hoishey rumours laka opor te ki community laka holy book toh desecrate kuri shey right-wing protest time te Mughal Emperor Aurangzeb laka tomb olabo leh demand kura time te. Unrest toh joldi escalate hoishey, tadeh mob khan police ke phator phika shuru hoishey, 34 personnel ke jokom kuri dishey.
Complaint lodged kuri shey protestors laka against te agitation pichideh, taikhan ke accused kuri shey religious sentiments community laka hurt kura nimite. Complaint hisap te, FIR toh registered kuri shey. Notably, eku arrest hwa nai echa tak. Etu time te, senior official pra koishey law aro order situation Nagpur te echa under control te ase. Hoileh b curfew jai ase bishi wala sensitive jaka te city laka.
Add Comment