November 14, 2023 : Ekd din agetey khobor pawa hisap tey, Nagaland Post para, paachta manu ekta ghor laga murishey aru bishi khan toh hoiley jokhom hoishey koi asey, kitya 40 CGI bera laga ghor khan toh hoiley juli jaishey koishey, ekta dangor para jui juli kena, Naharbari laga Master Colony tey, Sunday laga raati phaley, 10:40 pm nishina phaley. Itu paach jon manu muria toh hoiley Naharbari laga chairman para confirm kurishey koi asey, Ward 10 laga, L Bendang Ao para.
Tai para janaishey ki, sob muria manu khan toh hoiley eke family para asey kun khan toh hoiley Bihari manu asey, Dimapur tey. Itu chairman para koishey itu family khan toh hoiley vendors khan asey, saman bika laga kaam kuery aru tai khan toh bishi nind para ghumai kena thakishey parey, kitya jui julishey. Tai para koishey tai khan toh hoiley polaboley paranai ekta gas laga cylinder phuta homoi tey, kiley koiley darwaza toh hoiley bhitor para he bon thakishey.
Bendang para koishey itu jui toh hoiley itu muri jawa manu khan laga ghor tey para he shuru hoishey, kuntu toh tai khan suspect kuri asey, tai khan Diwali karney chutu tel-bati tey jui julai kena thaka tey para lagishey parey koi kena, koi asey.
Add Comment