Naharbari: NDPP Candidate Khan Hari Kena Thaishey, Common Platform Toh Head Tey Turn Hoishey, Ward Charman Para Clarify Kurishey

June 17, 2024 : Nagaland tey ULB election karney candidate aru political party khan declaration programme dhamadum di kena jai asey, itu homoi tey hey, kunba council khan para toh, common platform organize kuri kena programme bhi thaki asey, kuntu toh hoiley positive sign asey sob electoral khan nimitey, kiley koiley eneka nishina platform tey hey candidate duita bhi eke logotey khara kuri kena tai jon laga vision loa homoi tey, manu khan kun candidate khan toh capable asey, tai khan karney bhi advantage dangor ekta asey, eneka thakilebi aji fujur phaney, east Dimapur council, venue ward 10 tey, council khan para common platform 9:00 am tey organize kurishey kotey toh hoiley ekta independent candidate aru ekta NDPP laga candidate kuntu toh hoiley women reservation under tey asey, tai jon ke bhi matishey koishey manu khan laga samne tey khara kuriboley, kotey independent candidate toh ahi kena nijey dikhai dishey, hoilebi itu NDPP laga candidate toh hoiley aha nai koishey, aru itu nimitey tatey manu khan para hala chila bhi kurishey.