NAIROBI: Wednesday te Kenyan President Uhuru Kenyatta koishe ke sob attankwadi ke muraishe. Attankwadi toh upmarket hotel complex tea hi kena jhamela kurishe. Attankwadi aro security personnel majote 20 hours tok larai hoishe. Etu larai te komti hoile bhi 14 manu toh murishe.
Kenyatta desh ke televised address para koishe ami confirm kuri ase ke Dusit complex te security operation toh khotom hoishe aro sob attankwadi ke morai dishe.
Etiya samay te khobor pa hesab te ami khan 14 innocent manu khan attankwadi nimite murishe aro dusa manu khan jokom bhi hoishe.
Police sources aro mortuary official agay te 15 manu khan mora khobor kurishe.
Kenyatta koishe etu siege huwa majote 700 civilians khan ke bachaishe. Hoile bhi manu khan toh etu samay te complex te lukai thaka clear nai koishe.
Etiya tok toh total te kiman attackers thakishe clear nai koishe.
Local media para CCTV footage broadcast kora te charta black-clad, heavily armed manu khan complex te ghusishe. Etu ghatna toh Tuesday din te hoishe.
Hamla laga suruwat te ekta nijor ke bomb para phutaishe.
Police source koishe duita hamla kora manu toh Wednesday fusur te guli mari kena moraishe. Etu duita hamla kora manu toh deri larai kora pichete moraishe.
Senior police officer koishe etu duita hamla kora manu toh math ate lal bandanas lagaishe aro chest te bullets strap lagaishe aro etu te olop magazines bhi thakishe.
Tai khan duijon bhi AK47 dhuri kena thakishe. Etu hatiyar toh recover kurish koishe.
Add Comment