JAMMU:
Saturday te officials koishe duita boini(sisters) najana bimar para hospital te murishe. Etu ghatna toh Jammu and Kashmir laga Reasi district te hoishe. Duita minors laga mura khobor para district administration ke alert kuri dishe. Mura laga cause toh bisaribole authorities ke special medical team ke kaam laga bole hoishe.
Officials koishe mura bacha khan majote Ashruti Devi aro Asho Devi ase. Ashruti laga umar toh aat(8) saal ase. Asho Devi laga umar toh paach(5) saal ase. Duita boini toh dui ghanta te murishe. Duita boini toh Friday te Reasi District Hospital te murishe. Duita boni toh tai laga baba Prem Chand toh anishe. Baba aro tai laga bacha khan, Arnas jaga laga Danour Bosti para ase. Bacha khan laga bodies toh doctors laga teams post-mortem kora pichete Chand ke last rites kuribole de dishe. Etu toh Saturday te hoishe.
Hospital Superintendent Pritam Singh koishe bacha khan mura laga cause opor te eku bhi kubole etiya thik nohubo. Mr. Pritam Singh koishe post-mortem laga khobor rukhi ase. Etu khobor pa pichete mura laga cause opor te kotha kuribo paribo.
Chand koishe tai laga bacha khan toh olop din agote bimar hoishe. Etu bimar toh gola(throat) infection he ase, family para bhabishe koishe. Tai koishe kitiya bacha khan laga condition biya hubo suru hoishe, bacha khan ke osor laga dispensary te loi jaishe koishe. Dispensary manu khan para Chand ke Reasi Hospital dekhaishe koishe. Hoile bhi bacha khan toh bachibo para nai.
Reasi District Development Commissioner Sagar Dattatray Doifode koishe duita bacha mura laga cause bisaribole special medical team set up kurishe koishe. Mr. Sagar PTI ke koishe Medical team Danour bosti Saturday te jaishe koishe. Team para manu khan opor te diphtheria symptoms inspection kurishe koishe. Hoile bhi etu inspection para bhi eku result pa nai.
Officer koishe post-mortem laga khobor ahibole etiya bhi samay ase. Tai koishe medical team para alag alag morai dibo pra bimar laga preventive vaccination drive kuri ase. Etu drive toh bacha khan nimite kuri ase. Etu toh Danour bosti aro tai laga osor jaga khan te kuri sae.
Add Comment