Ekta traffic accident Jholungay road, Sikkim deh huishey.Tadey accident ba duita manu laga jaan loishey, Raj Kumar Manger aro Nain Subba. Accident laga investigation toh Namchi Police lag under deh ase.
May 1, 2024 laga 11:53 AM deh, Lance Naik Gopal Tamang, Mamring Police Outpost
ba authorities ke report kurishey accident toh. Information pa hisab deh, Raj Kumar Manger, late Kul Bdr. Manger laga bacha aro pillion rider Navin Subba, late Sun Bdr. Subba laga bacha, duita bi Jholungay laga thaka manu kana se aro taikan motorcycle registration number WB79-9934 Samardung ba Jholungay jai tahkishey.
Motorbike toh off road jaina 100 feet deep khai laga bitor roadside deh girishey. Duita manu bi biya ba injured hoishey accident deh. Taikan ke District Hospital, Singtam deh lui jaishey medical help karney. Hoilibi, medical professional kan laga effort ba bi Raj Kumar Manger toh bajiwo paranai aro tai CRH Tadong, Gangtok deh murishey, aro Navin Subba toh taila jokom laga karan murishey District Hospital Singtam deh. First Information (FIR) Lance Naik Gopal Tamang ba pa deh likhina pa peche deh, Namchi Police ba investigation start kuridishey etu ghatna laga opor deh. Sob procedural formalities kan ke undertake kurishey, kiley koiley case toh itya active investigation laga under ase.
Add Comment