February 4, 2024: Sunday din deh Namibia laka President Hage Geingob,82, muri jai shae hospital deh, presidency para kui shae. Tai tho bishi hapta karne cancer para diagnosed hui nah taki shae.
Social media platform X deh post kura statement para death laka cuae tho kwa nai, hoile b jua mohina presidency para tai ekta regular medical check up kura piche deh cancer para diagnosed hui shae kui shae aro tai tho United States deh jab oleh ase kui shae treatment karne.
Geingob tho Windhoek deh taka Lady Pohamba Hospital dh muri jai shae kuteh tai, taila medical team laka hath para treatment pai taki shae, presidency para kui shae. 2014 deh prime minister taka time deh, tai para public keh tai prostate cancer para survive kuri shae kui shae. Etu sal piche deh tai president hui jai shae. Southern African country itia b presidential aro parliamentary elections lubo leh baji nah ase sal laka end deh.
Add Comment