Nana Patekar para koisey ki Anil Kapoor para taikey Parinda film para olaidisiley

New Delhi, June 24 : Vidhu Vinod Chopra laga 1989 te release huwa film Parinda te Nana Patekar tu suru te Jackie Shroff laga part kuribole thakisey kun para Anil Kapoor laga dangor dada laga role kurisey. Hoilebi ekta interview te Nana para taikey etu film para kinimitey olaidisey etu reveal kurisey. Nana para koisey, “Suru te ami para Jackie laga role kuribole thakisey. Naseeruddin Shah para Anna laga role kuribole thakisey kuntu ke picheyte Nana Patekar para kurisey. Etu picheyte Naseeruddin tu pichey hatijaisey. Anil Kapoor aro amikhan duijun para bisi rehearsal kurisey. Ami 6 moina prepare kurisey. Ami para recently Anil ke hudisey, ‘Apni para Vinod ke amikey etu film para olaidibole koisey na? Anil para jawab dikina koisey, ‘Ami para bhabna kurisey Nana ke kiley star(mashoor) banidibo? Etu tu jana laga kotha asey ki apni Jackie laga part play kurisey koiley apni ekta star hoijabole thakisey. Ami(Nana) para Anil ke koisey, ‘Ami apni ke kuwanai naki ki apni para amikey ki role disey koilebi ami tu aney bi star hoijabo. Apni ke kunbi nasabo.” Nana para koisey ki ajikali tai aro Anil laga majotey sobkuch thik asey. Hoilebi utu homoitey Anil tu ekta star thakisey. Tai para Vinod Chopra ke Nana ke etu film para olaidibole koisey aro tai para enaka kurisey. Nana bi etu film para olaijaisey. 3-4 moina picheyte, Vinod tu Nana logotey  ahikina taikey film te Anna laga role play kuribole hudisey koisey. First te Nana  tu gusa uthisiley, hoilebi picheyte tai manisey.  Etu picheyte Vinod para Nana ke tailaga market fees kiman asey etu dibo koisey. Nana para taikey etu tu obvious asey apni amikey ehsan kora nohoi koisey aro tai para kuribole thaka part tu tai nijor para nutun likhibo koikina koisey. Nana para koisey ki Vidhu Vinod Chopra logotey tailaga dusra problem khan bi asey aro jitya bi tai taikey lok korey tai akha korey etu akhri bar lok kuri  asey. Parinda film te Madhuri Dixit bi lead role te thakisey. Etu film ficheyte Nana Pattekar para Vidhu Vinod Chopra logotey aro kitya bi kaam koranai.