Nand Kishore Yadav Toh Kosom Khaishey, Nagaland Laga 23rd Governor Hisap Tey

March 13, 2026: Nand Kishore Yadav toh hoiley kosom khaishey, itu 23^rd Governor hisap tey, Nagaland laga, ekta ceremony loa tey, Dr. Imkongliba Ao Hall, Lok Bhavan, Kohima tey, 13^th March, 2026 tey.

Itu office tey buhiboley laga kosom khawa toh hoiley itu Gauhati High Court laga Chief Justice – Justice Ashutosh Kumar para administer kurishey, itu Nagaland laga Chief Minister – Dr. Neiphiu Rio laga presence tey para.

Itu ceremony toh hoiley, itu State Cabinet, legislator khan, senior government official khan, alag alag organization khan laga representative khan aru invite thaka diginitary khan laga member khan para itu ceremony attend kuria laga thakishey.

Itu kosom khawa ceremony pichetey, itu Governor para itu Chief Minister aru tai laga Cabinet colleague khan logotey interact kurishey.

Pichey phaney, itu Governor para itu State laga manu khan ke address kurishey, janai kena ki, tai laga commitment thaka laga, Nagaland laga progress aru welfare nimitey kaam kuriboley laga.

Nand Kishore Yadav para koishey, Nagaland toh hoiley ekta special jaga occupy kurey itu dangor nation India laga rich aru diverse fabric tey.

Itu Governor para koishey ki, itu North East region toh hoiley, renewed focus aru investment witness bhi kurishey, olop saal agey para, particular para connectivity, infrastructure aru economic development tey.

Nagaland toh hoiley astey astey para progress hoi kena jai asey, alag alag kisim laga sector khan tey, infrastructure, education, agriculture, tourism, digital connectivity aru entrepreneurship tey.

Itu development khan toh hoiley notun kaam khulaboley asey, economic growth nimitey aru itu manu khan laga life nimitey quality improve kuriboley, tai para koi kena janaishey.

Itu Governor para itu bhi mention kurishey ki, itu manu khan laga aspiration, lamba homoi karney shanti, stability, aru development rakhiboley icha toh bhal thaki asey. Shanti aru harmony para sustainable progress nimitey foundation provide kurey, aru collective effort aru mutual understanding logotey, Nagaland toh hoiley continue agey bari kena jaboley asey, prosperity laga raasta tey.