Agencies, 11 September: Tuesday din Nangarhar province laga official pora janaideya hesab de, Afghanistan de sucide bomb putha pora 22-jun ke moraidese koise. Etu putha toh Jalalabad laga eastern city aro neighbouring Pakistan border laga highway de osor de putha laga ase koise. Provincial governor’s spokesman Attaullah Khoghani pora janaideya hesab de, hamla pora tusara 23-jun ke jokhom korise koise. Local provincial council laga member Sohrab Qaderi pora kowah hesab de, nai-nai koilebe 45 jun morise aro jokhom howah khan ke hospital de loijaise koise. Aro tai pora mora toh aro othibo pari koise. Local officials pora kowah hesab de, local militia commander logode kelaf kori kena besi jun manu jama howah jaga de putha laga ase koise. Etu sal Afghanistan laga Nangarhar province aro Pakistan laga border osor de hamla hoi thaga toh sobse beya wala ase. Etu hatsa howah toh kun pora korise etya tak jani-powah nai. Aro khobor hesab de 2015-sal time pora etu jaga de Islamic State pora besi hamla kori-kena ase.
Add Comment