Agencies, 18 September: Japan laga Naomi Osaka toh ahibole French Open te hisha nalobole olaise kelay koile tai laga hamstring (knee laga bechae) te jokhom powa nemide. Etu khobor toh tai para Thursday te janaideya laga ase. Etu 22-sal khelari Naomi Osaka toh U.S. Open final, New York te Victoria Azarenka kelaaf khela samai te jokhom powa laga ase.
World number three (Naomi) para social media te Japanese kotha para tai toh etu sal laga Frence Open te hisha lobole naparibole opor te janaishe.
French Open toh Sept. 27-Oct.11 te lobole ase. Etu toh poila May-June te lobole thaka ase hoilebe coronavirus pandemic nemide bechae korideya laga ase.
Men’s side te, Roger Federer toh compete koribole naparibo kelay koile tai knee surgery karni para recover hoi thaka nemide. Osaka nathaka nemide Serena William laga chance 24th Grand Slam title jetibo nemide pabo judi tai khelibole junile.
French Tennis Federation (FFT) para Thursday te 5,000 fans toh ek din te manibole janaideya thakise. Poila tai khan para claycourt te ek din nemide maximum 11,500 fans he manibole kowa thakise.
Add Comment